Article in other languages:
- Kelte
- Kelten
- كلت
- Celta
- Köitn
- Кельты
- Келти
- Kelted
- Kelti
- Celtes
- Keltové
- Y_Celtiaid
- Kelterne
- Kelten
- Κελτικός_πολιτισμός
- Celts
- Keltoj
- Celta
- Keldid
- Zelta
- سلتها
- Keltit
- Celtes
- Kelten
- Na_Ceiltigh
- Ceilteach
- Celta
- Ny_Celtiee
- קלטים
- Kelti
- Kelták
- Bangsa_Kelt
- Keltar
- Celti
- ケルト人
- 켈트족
- Kelt
- Kelt
- Celtae
- Kelten
- Kelte
- Keltai
- Ķelti
- Келти
- Celt
- Kelten
- Keltarar
- Keltere
- Celtowie
- Celtas
- Celts
- Celţi
- Кельты
- Celtic_Race
- Kelti
- Celt
- Kelti
- Kelti
- Келти
- Kelter
- கெல்ட்டியர்
- เคลต์
- Kelt
- Кельти
- Celti
- Người_Celt
- 凯尔特人
Os zeltas son os pueblos que charran u charroron as luengas zeltas, y que en o sieglo I aC bi yeran dende Turquía dica Portugal. Iste termino ye d'orichen griego ("keltoi").
Os pueblos zeltas actuals son bretons, irlandeses, escozeses, maneses y galeses.
O termino zelta
O termino zelta s'ha feito serbir en diferens contestos y por ixo tien güé muitos y bariatos sinnificatos:
- Os pueblos ditos zeltas por os autors clasicos greco-romans.
- Os pueblos que se claman zeltas á ellos mesmos.
- As luengas zeltas, formando un grupo definito por lingüistas modernos, drentro de as luengas indoeuropeyas.
- A cultura de La Tene.
- Un estilo artistico de a II Edat de Fierro.
- L'arte irlandés de o sieglo I aC.
- Balors autuals de a soziedat ozidental supuestamén eredatos de o erenzio zeltico.
- A mosica zelta.
Bi ha problemas con toz estos sentitos de o termino zelta, porque son fruito de bellas obserbazions subchetibas de autors clasicos y de l'atraczión que exerzioron sobre os prerromanticos y romanticos europeus de os sieglos XVIII y XIX.
Bels pueblos atlanticos autuals que charran lenguas zeltas se identifican como zeltas como efeuto d'ixe romantizismo de o sieglo XIX, pero no parixe que se clamasen asinas en o periodo meyebal y antigo.
Romanizazión
Chulio Zésar conquerió Galia en o S I A.C. A conquista de Britania estió más lenta, y nunca no estió total. O gubierno local d'os romanos n'istas rechions aprofitó a nobleza local que enantes teneban o gubierno en os estatos tribals. A istituzión de os druidas estió perseguita en os primers tiempos cuan yeran un periglo politico.
Os abitans natibos se romanizoron y adautoron parte de a forma de bida romana. O arte zelta incorporó elementos romanos, plegando á creyar-se un arte galo-román. A romanizazión estió más rapida en as ziudaz que en o meyo rural. Con a romanizazión o latín s'emplega más y más.
Lo mesmo se desbeniba con a cristianizazión. Se diz que cristianizazión forzata de o meyo rural por obra de San Martín de Tours favorexió a latinizazión de o meyo rural en os zaguers sieglos en o S IV.
Relichión zelta
A relichión zelta yera una relichión politeísta de carauters indoeuropeyos, con un sustrato que podeba remontar-se a la relichión astronomica de os pueblos atlanticos que costruiban megalitos.
O feito que os zeltas no tenesen chunidat politica, no tenesen una literatura en común y estasen muito estenditos a nibel continental fazió que a relichión zelta no tenese a omocheneidat d'atras brancas indoeuropeyas como os griegos.
Bi eba un calendario lunar de 13 meses con fiestas sagratas 40 días dimpués de os solstizios y equinozios, fiestas que o cristianismo ha conserbato.
Ye polemico, pero cuasi seguro, que os zeltas fesen sacrifizios umans. A nibel simbolico o lumero 3 y os multiplos suyos aparixen de forma cutiana en a literatura, a mitolochía, l'arte y a teolochía.
A mitolochía zelta ye complexa, poco conoxita pero muito rica y d'un carauter espezial, prou diferén de a griega.
Os zeltas de Galia, Britania e Irlanda desembolicoron l'istituzión relichiosa de os druidas en un periodo tardano de a cultura de la Tene, y continoron esistindo en o periodo román.
Questions for article: