Capital (politica)

Article in other languages:

Iste articlo ye sobre o conzeuto politico de capital. Ta atros usos se beiga capital.
Estatos d'o mundo en os cuals a capital no ye a ziudat más gran d'o país en numero d'abitants.
A Basilica de A Nuestra Siñora d'o Pilar y o puent de Piedra sobre o río Ebro en Zaragoza, a capital d'Aragón.

En termins de Politica, se clama capital, ziudat capital u capital politica á la ziudat u lugar á on bi ye a seu d'as instituzions de gubierno d'un país, rechión, comarca o cualsiquier belatra almenistrazión territorial. Á sobent a ziudat capital ye á más a ziudat con mayor poblazión d'o territorio en custión, encara que no siempre ye asinas.

Sin d'embargo, ye posible que en un estato bi aiga más d'una capital, en funzión d'os dibersos poders seguntes a dibisión de poders. Asinas, puet aber una capital ta o poder chudizial u ta o poder lechislatibo diferent d'a capital d'o poder echecutibo. Á más, a capital economica puet estar diferent á las capitals anteriors.

Istoricament, en os países d'Europa o conzeuto de capital naxió cuan as corz d'os monarcas s'establioron en un lugar concreto, albandonando a suya transuanzia u itineranzia por o suyo reino en funzión d'os recursos economicos disponibles.

Á begatas, cuan s'estableix un nuebo país a suya capital ye una ziudat nueba, ta que no i aiga binclos con o pasato. Iste ye o caso d'os Estatos Unitos, en que a capital ye a ziudat de Washington, creyata ta ebitar enfrentamientos entre as ziudaz d'o nuebo estato dimpués d'a Guerra d'a Independenzia d'os Estatos Unidos; y tamién de Brasil, que creyó a ziudat de Brasilia ta promober o desembolique d'o interior d'o país.

Antiparte, a capital á sobent esdebién una ziudat que conzentra a mayor parti d'os serbizios, autibidaz economicas y de poblazión d'o territorio, y por ixa causa puet esdebenir una ziudat macrozefalica. Iste ye o caso d'a ziudat de Zaragoza en Aragón, que conzentra, alto u baxo, a metat d'a poblazión aragonesa y á más a seu sozial d'as suyas prenzipals instituzions politicas, almenistratibas, economicas, periodisticas y sozials d'o país.

Etimolochía

L'orichen d'a palabra ye a boz latina caput (capeza en aragonés), fendo referenzia á que ye o lugar an que i son as prenzipals instituzions politicas.

Se beiga tamién

Otenito de "http://an.wikipedia.org/wiki/Capital_(politica)"

Questions for article:

This article is from Wikipedia. All text is available under the terms of the GNU Free Documentation License.


IHS Europe: Infrared Heating Systems for Home and Business.